z35W7z4v9z8w

4/04/2018

اراء بعض الشباب فى امتحان البنك الزراعى وموقع لااعدادك للاختبارات

اراء بعض الشباب فى امتحان البنك الزراعى وموقع لااعدادك للاختبارات

بدات فترة الاختبارات فى البنك الزراعى وجاء الدور على بعض الاشخاص وقاموا بداء الامتحان والبعض ينتظر ميعاد الامتحان والاخرين ينتظروا رسالة الميل لمعرفة ميعاد الامتحان 
اختبارات البنك الزراعى - بيت الوظائف


وقد وضعنا امس بين ايديكم موقع لمعرفة ميعاد الاختبار الخاص بك وستجده على هذا الرابط :

تفاصيل امتحان البنك الزراعى ومعرفة ميعاد الامتحان

واحضرنا لكم اليوم راى شخص ما بعد خروجه من الامتحان وهى كالاتى :

السلام عليكم
ازيكوووو ياشباب انا هحكي تجربتي النهارده
نبدا من اول خطوة بعد ماتوصل بالمترو هتتزل كليه البنات طبعا وانت خارج هتسال ع شارع احمد تيسير وبعد كده هتلاقي في وشك طريق رايح جاي ممكن تعدي الطريق الناحية التانيه ناحيه حلواني لابور تقريبا وتركب اي حاجه لحد معهد نظم المعلومات للقوات المسلحه او هتمشي عشر دقايق او ربع ساعة بالكتير طبعا انا مشيتهم لاني مش كنت عارف الطريق ازاي وكل ما اسال حد يقولي قدام هناك اهوووو 😂😂😂😂😂
تمام وبعد كده هتوصل المعهد باذن الله هتدخل جوووا هتسال علي مكان الامتحان وهتوصل لمكان زي قاعة مؤتمرات كده هتلاقي ناس تبع البنك بتتكلم عن الاوراق وكده
انا بقي كان عندي امتحان النهاردة ميعادي كان 9:30 ورحت ع 10 لاقتهم لسه بيراجعو الاورق وبيتكلمو مع الناس
يعني تعملووو حسابكووو احنا خلصنا مراجعه الاورق في نص ساعة وفضلنا انتظار لحد 12 لما جه عدد كبير من الناس
بالنسبة للاوراق اي حد مش معاه شهادة تخرج او جيش او مؤهل اصل هيختمها من شغلة مثلا او الكلية وهيقبلوها عادي هما بيشوفو الاصل ويطابقووووه بالصور اللي انت قدمت بيها بس مش بيخدوو اي صور لو مقدم بالبطاقة وغيرت عنوانك او عملت بطاقة جديدة مش هيقبلو ورقك الا لو كان مكان الاقامة داخل المحافظة بتاعتك .
بالنسبة للناس اللي جالها رساله علي الايميل بس وانا من الناس دي ده بسبب انك عندك ابلكيشن التروكولار لانه بيعمل حظر تلقائي للرسائل ياريت كل الناس تحذف التطبيق احسن
ندخل بقي علي الامتحان هو صعب وسهل تحسه تافهه هو شوية لسيننج وشويا قطع مافيش قواعد الا سوال او اتنين
القطع محتاجه حد متدرب كويس جدا النطق بريطاني وسريع وفي جزء سهل في السيننج وجزء صعب السهل كان مثلا جايب صوره كمبيوتر محطوط في ثلاث اوض وكان الطفل بيناقش مامته يحطوه ف اوضه النوم ولا الانترية ولا المكتب 😜😜😜 سوال تاني بقي صوره فيها السما صافية وشمس وصورة تانية السما مغيمة وصوره تالته امطار وبنت بتتكلم عن اجازتها والجوء عامل ايه النهارده وهتقضي الاجازه ازاي😇😇😇
الجزء الصعب طبعا مش فاكرو بس محادثة اعتقد 5دقايق وعليها تلات اساله ومفهمتش منها حاجه سمعتها مرتين طبعا ليك مرتين بس الريكورد يشتغل وبيشتغل تلقائي بعد 10 ثواني او اكتر حسب السوال وبسم الله ماشاء الله حليتها بالبركة 💪💪💪
اما الريدينج بقي في كذا قطعة مش فاكر منهم غير دي لانها اخر سوال كنت خلصت وفضلي تلت ساعة وفصصتها بس برود فيها حاجه تجنن بتتكلم عن واحده عندها عربية من زمان وبتروح تعمل بيها شوبنج واوقات بتعلم اولدها السواقة واوقات بتسافر بيها طبعا جالي كل ده في الاختيارت وبصراحه اخترت اختار ايه كلوو صح 🤔🤔🤔
وبعد كده بيسال ليه باعتها وحاجات كده وغيرولها محرك ولا
لا دول عالم ظلمه يااااابا 😂😂😂😂
وكان في سوال تكمله اختيارات مش فاكر منه حاجه وقطعة صغيرة بتكمل كلام كده انا بصيت فيها مش فاهم حاجه جبتها من اخر القطعة you soon
طبعا انا كتبتلها see you 😜😜😜وواحده واحده التاليف اشتغل شويا كلام عنب ادعولي يطلع صح
كفااااااااااية بقي علشان صدعت وتعبت من الهري ده
الخلاصة الموقع ده تقريبا هو الامتحان هتشغلو وتسمع نفس المستوي ده هيجيلك في الامتحان اتدرب علي فهم الكلام علشان مستوي الاختبار عالي جدا خصوصا في السيسننج

https://www.metritests.com/metricatestdelivery/Assessment/Assignment?test=cept_demo

في ناس هتقولي مافيش صوت لا في صوت بس الموقع بيشغل صوت علي لابتوب مش موبيل اوعو تعملو زي لاني كنت عارف الموقع ولاقيته مستوي عالي نفضتله لا لازم تدرب عليه لانه هو ده اللي انت هتمتحنه
بس بس ياجماعة انا كده خلصت 👊👊👊👊👊
ادعولي دعوه حلوه كده وربنا يوفقنا ويفوقكوووو كلكوووو يااااااارب 😃😃😃😃




ده راى شخص فى الامتحان و تابعونا لعرض باقى الاراء وتفاصيل الامتحان وجديد البنك الزراعى

ولمتابعة الوظائف الجديدة باستمرار عليك بالاشتراك فى الصفحة الرسمية والجروب الخاص بنا من الروابط التالية 

صفحتنا الرسمية من هنا


وعلى الجروب الرسمى  من هنا

تابعنا باستمرار واجعل صفحتنا الاولوية لتتابع اخر اخبار البنك الزراعى

ليست هناك تعليقات:

إرسال تعليق